تەندروستی هەولێر بەركەوتووانی چەكی كیمیايى ئاگادار دەكاتەوە

ئەم بابەتە 85 جار بینراوە

پۆڵەتیك پرێس

بەڕێوەبەرایەتی گشتی تەندروستی هەولێر ئاگاداری ئەو هاوڵاتیانە دەكاتەوە كە بەركەوتەی چەكی كیمیايین، لە نرخی پشكنینی ڤایرۆسی كۆرۆنا دەبەخشرێن و دەتوانن سەردانی سەنتەرەكان و ڕاوێژكاریەكانی تایبەت بە وەرگرتنی سامپل و پشكنینی ڤایرۆسی كۆرۆنا بكەن.

لە ئاگادارییەكەی بەڕێوەبەرایەتی گشتی تەندروستی هەولێردا هاتووە، بۆ بەمەبەستی بە خشین لە نرخی پشكنینی ڤایرۆسی كورۆنا (كۆفید19) بۆ ئەو هاولاتیانەی بەركەوتەی چەكی كیمیايین و (منحە)ی مانگانەیان هەیە و هەڵگری پیناسی تایبەتن كە چارەسەریان لەدەرەوەی هەریمی كوردستانە، لە نرخی پشكنینی ڤایرسی كۆرۆنا دەبەخشرێن و دەتوانن سەردانی سەنتەرەكان و ڕاوێژكاریەكانی تایبەت بە وەرگرتنی سامپل و پشكنینی ڤایرۆسی كۆرۆنا بكەن.

بەپێی ئاگادارییەكەی تەندرویتی هەولێر پێویستە ئەو كەسانە پشتگیری كرابن لەلایەن كۆمەڵەی قوربانیانی كیمیاباران.

لە هەرێمی كوردستان نزیكەی 1000 بریندار و بەركەوتەی چەكی كیمیایی هەن، كە ناویان تۆماركراوە لە هەردوو وەزارەتی تەندروستی و شەهیدانی حكومەتی هەرێم.

پەخشی راستەوخۆی رادیۆ پۆلەتیک