بزوتنەوەی گۆڕان لەبارەی وەرگرتنی پارە لە پارتی ڕوونكردنەوە دەدات

ئەم بابەتە 102 جار بینراوە

پۆڵەتیك پرێس

بزوتنەوەی گۆڕان بەفەرمی وەڵامی فراکسیۆن و پەرلەمانتارەكانی لە بەغدا دەداتەوە و رەتی دەكاتەوە هیچ بڕە بودجەیەك لە پارتی دیموكراتی كوردستان وەربگرن.

دلێر عەبدولخالق وتەبێژی بزوتنەوەی گۆڕان لە نوسراوێكدا بەفەرمی وەڵامی فراكسیۆن و پەرلەمانتار و ئەو لایەنانەی داوەتەوە كە باسیان لەوە كردووە، بزوتنەوەكە مانگانە بڕە بودجەیەك لە پارتی وەربگرێت و دەڵێت “رای گشتی كوردستان ئاگادار دەكەینەوە، هەواڵی وەرگرتنی بودجە یاخود بڕەپارەیەك لە پارتی دیموكراتی كوردستان یان هەر حزبێكی سیاسی دیكە بۆ بزوتنەوەی گۆڕان زانیاریەكی ناڕاست و بێبنەمایە”.

ئەمەش دوای ئەوە دێت پێشتر عومەر سەید عەلی رێکخەری گشتی بزوتنەوەی گۆڕان نامەیەكی توند ئاراستەی فراكسیۆنی گۆڕان لە بەغدا كرد و داوای لێكردن لە ماوەی یەک هەفتەدا بگەرێنەوە ناو گۆڕان، ئەوانیش ئەو پرسیارەیان ئاڕاستەی ناوبراوكرد، كە بۆچی مانگانە 250 هەزار دۆلار لە پارتی وەردەگرن.

پەخشی راستەوخۆی رادیۆ پۆلەتیک