پۆڵەتیک پرێس
ئەحمەد ئەبولغەیت، ئەمینداری گشتی کۆمکاری عەرەبی جەختی لەوەکردەوە، لە چوارچێوەی دەوڵەتی عێراقدا پشتیوانی هەرێمی کوردستان دەکەن.
لەمیانی کۆبوونەوەیدا لەگەڵ مەسعود بارزانی، سەرۆکی پارتی دیموکراتی کوردستان و مەسرور بارزانی، سەرۆکی حکومەتی هەرێم لە هەولێر، ئەبولغەیت رایگەیاند، گرنگی بە پتەوکردنی هەماهەنگی نێوان حکومەتی ناوەند و حکومەتی هەرێم دەدەین.
لەبارەی کوردستانیشەوە وتی: عێراق وڵاتێکی گرنگە لەبەرئەوەی یەکێکە لەو وڵاتانەی رۆڵیان لە دامەزراندنی کۆمکاری عەرەبیدا هەبووە و هەرێمی کوردستانیش هەست بە ئەندامێتی خۆی لە عێراق دەکات و ئێمەش لەو چوارچێوەیەدا پاڵپشتی هەرێم دەکەین.
لەبارەی سەقامگیری عێراقیشەوە ئاماژەی بەوەکرد، کۆمکاری عەرەبی دەستوەرناداتە کاروباری ناوخۆی وڵاتەکە و پشتیوانی سەقامگیری عێراق دەکات.
رۆژی شەممە، ئەحمەد ئەبولغەیت ئەمینداری گشتی کۆمکاری عەرەبی بە سەردانێکی فەرمی گەیشتە بەغدای پایتەختی عێراق.
قەیوان گروپ
مایۆرکا سیتی جوانییەک لە دڵی سروشتدا