یەکەم ڕۆژی مانگی ڕەمەزان دیاریدەكرێت

ئەم بابەتە 21 جار بینراوە

پۆڵەتیك پرێس

هەفتەی داهاتوو لیژنەی باڵای بینینی مانگ بە هەماهەنگی لەگەڵ لیژنە لاوەکییەکانی پارێزگاکانی هەرێم بۆ دیاریكردنی یەکەم ڕۆژی مانگی ڕەمەزان ی پیرۆز كۆدەبنەوە.

نەبەز ئیسماعیل وتەبێژی وەزارەتی ئەوقاف و کاروباری ئاینی حکومەتی هەرێمی کوردستان بۆ پۆڵەتیك پرێس وتی: “ئێوارەی ڕۆژی یەکشەممە ١١ی نیسانی ٢٠٢١ لیژنەی باڵای بینینی مانگ لە دیوانی وەزارەت بە هەماهەنگی لەگەڵ لیژنە لاوەکییەکانی سەرجەم پارێزگاكانی هەرێم و وەقفی سوونی عێراقی كۆدەبنەوە و چاودێری بینینی مانگ دەكەن بۆ دیاریكردنی یەكەم ڕۆژی مانگی ڕەمەزان”.

وتەبێژی وەزارەتی ئەوقاف و کاروباری ئاینی حکومەتی هەرێم وتیشی “ئەگەر بەبەڵگەوە مانگ بیندرا ئەوا ڕۆژی دوشەممە 12ی نیسان دەبێتە یەكەم ڕۆژی مانگی ڕەمەزان، لەئەگەری نەبینینی مانگیش ئەوا رۆژی دواتر یەكەم رۆژی ڕەمەزان دەبێت”.

بەوتەی نەبەز ئیسماعیل دیاریكردنی یەكەم ڕۆژی مانگی ڕەمەزان تەنها لیژنەی بینینی مانگ بڕیاری لەسەردەدات، پشت بە هیچ بۆچونێكی هاووڵاتیان نابەسترێت.

پەخشی راستەوخۆی رادیۆ پۆلەتیک