لایەنە سیاسییەكانی هەرێم كۆدەبنەوە

ئەم بابەتە 12 جار بینراوە

پۆڵەتیك پرێس

بڕیارە سبەی پێنج شەممە لەسەر داوای سەرۆكی هەرێم، لایەنە سیاسییەكانی هەرێم كۆببنەوە.

كۆبونەوەكە لەسەر بانگهێشتێكی نێچیرڤان بارزانی سەرۆكی هەرێمی كوردستان رێكخراوە كە لە رۆژی نەورۆزی ئەمساڵدا داواكارییەكی ئاڕاستەی لایەنە سیاسییەكانی هەرێمی كردبوو تا هەموان پێكەوە لەسەر دۆخی هەرێم و عێراق و گۆڕانكارییەكان كۆببنەوە.

داواكەی سەرۆكی هەرێم بۆ كۆبونەوەی لایەنەكان دوای ئەوە دێت، ماوەی زیاتر لە ساڵێكە یەكێتی و پارتی وەك دوو حزبی سەرەكی هیچ كۆبونەوەیەكیان ئەنجام نەداوەو تادێت گرژییەكانی نێوانیشیان زیاتر دەبن.

پێشتریش سەرۆكی هەرێم چەندجارێك كۆبونەوەی حزب و لایەنە سیاسییەكانی رێكخست، بەڵام ئەو كۆبونەوانەش نەیتوانی لە هەندێك پرسدا بەتایبەت لە بەغدا یەكڕیزی لە نێوان هێزە كوردییەكاندا بەدیبهێنێت.

پەخشی راستەوخۆی رادیۆ پۆلەتیک