ژمارەیەك پەرلەمانتار داهاتی ئێستای هەرێمی كوردستان ئاشكرادەكەن

ئەم بابەتە 16 جار بینراوە

پۆڵەتیك پرێس

ژمارەیەك په‌رله‌مانتاری كوردستان داوا ده‌كه‌ن پاشه‌كه‌وتی موچه‌ كۆتایی پێبهێنرێت و ده‌ڵێن داهاتی ته‌واو له‌به‌رده‌ستدایه و پێویستە پرسی لێبڕینی موچەی فەرمانبەران بخرێتە كارنامەی دانیشتنی داهاتووی پەرلەمانەوە.

لە یاداشتێكدا 17 پەرلەمانتاری كوردستان داوا دەكەن پرسی لێبڕینی موچەی فەرمانبەران بخرێتە كارنامەی دانیشتنی داهاتووی پەرلەمانەوە و ئاشكرایدەكەن، داهاتی هەرێمی كوردستان ترلیۆنێك دیناری تێپەڕاندووە، لە كاتێكدا بۆ موچەی تەواوی فەرمانبەران پێویستی بە 882 ملیار دینارە.

ئەو یاداشتە كە ئاڕاستەی سەرۆكایەتی پەرلەمان كراوە تێیدا داواكراوە پرسی لێبڕینی مووچە لە دانیشتنی سبەینێدا تاووتوێ بكرێت.

ئەمە لەكاتێكدایە، دوای پەسەندكردنی بودجەی گشتی عێراق، ژمارەیەك پەرلەمانتاری یەكێتی و بەشێك لە فراكسیۆنەكان داوایان كردبوو، كۆتایی بە لێبڕینی مووچە بهێنرێت.

پەخشی راستەوخۆی رادیۆ پۆلەتیک