ئەمریکا سزا بەسەر تورکیادا دەسەپێنێت

ئەم بابەتە 34 جار بینراوە

پۆڵەتیک پرێس

ئەمریکا سزای بەسەر ئیدارەی پیشەسازی بەرگری تورکیا و ژمارەیەک بەرپرسی ئەو وڵاتەدا سەپاند بەهۆکاری ئەوەی پەیوەندیان لەگەڵ کەرتی بەرگری روسیا هەبووە.

ماڵپەڕی تایبەت بە وەزارەتی گەنجینەی ئەمریکا بڵاویکردەوە، ئەو سزایانەی ئەمریکا دەستەی پێشەسازی بەرگری تورکیا و ئیسماعیل دەمیری سەرۆکی ئەو دەستەیە دەگرێتەوە.

ئەوەش هاتووە، هۆکاری سزاکانی ئەمریکا بوونی پەیوەندییە لەنێوان ئەو لایەنانەی تورکیا و کەرتی بەرگری روسیا و کڕینی سیستمی بەرگری ئاسمانی ئێس 400ی روسی.

باس لەوەشکراوە، سزاکان بریتین لە رێگریکردن لەپێدانی مۆڵەت و مۆڵەتی هەناردەی ئەمریکا نۆ ئیدارەی پیشەسازی بەرگری تورکیا و سنوردارکردنی ڤیزا لەسەر ئیسماعیل دەمیر سەرۆکی ئیدارەکە و بەرپرسە سزادراوەکانی دیکە.

رۆژی هەینی رابردوو کۆنگرێسی ئەمریکا لەسەر رۆشنایی کڕینی سیستمی بەرگری ئاسمانی ئێس 400ی روسی لەلایەن تورکیاوە، پەسەندیکرد سزا بەسەر ئەو وڵاتەدا بسەپێنرێت.

پەخشی راستەوخۆی رادیۆ پۆلەتیک