پۆڵەتیک پرێس
بەمەبەستی گفتوگۆکردن لەسەر چوارچێوەی پەیوەندییە دووقۆڵییەکانی فەڕەنسا و عێراق لە بوارە سیاسی و ئابوری و کولتورییەکان و چەند بوارێکی دیکە ئیمانوێل ماکرۆن پەیوەندییەکی تەلەفۆنی لەگەڵ مستەفا کازمی ئەنجامدا.
لە بەیاننامەیەکی نوسینگەی راگەیاندنی سەرۆک وەزیرانی عێراق ئاماژە بەوەکراوە، ماکرۆن بەمەبەستی گفتوگۆکردن لەسەر پەیوەندییە دووقۆڵییەکانی نێوان فەڕەنسا و عێراق و پەرەپێدانی ئەو پەیوەندییانە بەجۆرێک خزمەتی بەرژەوەندییەکانی هەردوو گەل بکات پەیوەندی بە کازمییەوە کردووە.
ئەوەش خراوەتەڕوو، ماکرۆن پشتیوانی خۆی بۆ عێراق دووپات کردووەتەوە و دڵنیاییداوە لەبارەی هەماهەنگی ئابوری کۆمپانیاکانی وڵاتەکەی بۆ وەبەرهێنان لە کەرتە جیاجیاکانی عێراق.
رۆژی شەممە، ئیمانوێل ماکرۆن، سەرۆکی فەڕەنسا پەیوەندییەکی تەلەفۆنی لەگەڵ مستەفا کازمی سەرۆک وەزیرانی عێراق ئەنجامدا.