نیشانەکانی لە دەست دانی هەستی بیستن لە منداڵاندا

ئەم بابەتە 14 جار بینراوە

پۆڵەتیک پرێس

چۆن دەزانیت منداڵە بچکۆلەکەت، بەشێک یاخود تەواوی هەستی بیستنی لە دەست داوە؟چەند نیشانەیەک هەیە کە لە ڕێگەیەوە دەتوانیت هەستی پێبکەیت و باشتر زووتر چارەسەری بۆ وەرگریت.

لە دەست دانی هەستی بیستن لە منداڵاندا ڕەنگە کاریگەری هەبێت لەسەر، توانای قسە کردنیان هەروەها، پەیوەندیە کۆمەڵایەتیەکانیان، کاریگەری هەبێت لەسەر گەشە کردنیان، باشترە دایک و باوکان چاودێری منداڵەکانیان بکەن چونکە ڕەنگە زوو زانین، بە کێشەکە یارمەتیدەربێت بۆ ئەوەی چارەسەر بکرێت

نیشانەکانی لە دەست دانی بیستن لە منداڵی ساوادا بریتیە لە

١-منداڵەکە هەست بە ڕوودانی ڕووداوێکی بێزارکەر ناکات.

٢-لە تەمەنی سێ مانگیدا دەنگی دایک و باوک ناناسێتەوە.

٣-لە تەمەنی شەش مانگیدا سەرو چاوی بەو ئاڕاستیەدا نابات کە دەنگێکی لێیە یاخود کە بانگی دەکەی.

٤-کاتێک دەگاتە تەمەنی ساڵ ڕەنگە نەتوانێت بە باشی قسە بکات یاخود وشەکانت بۆ دووبارە بکاتەوە.

نیشانەکانی لە دەست دانی بیستن لە منداڵی تەمەن سەروو ساڵ و دوو ساڵ

١-کەم توانایی لە قسە کردن

٢-فێربوون بە قورسی

٣-تاقەتی گوێگرتن لە تەلەفزیۆن و سەیرکردنی نیە
٤-وەڵامی بۆ ڕووداوەکان نیە

٥-کاتێک کەسێک بانگی دەکات گوێی لێ نیە.

لە کاتی هەست کردن بەم حاڵەتانەدا باشتر، وایە بە زووترین کات منداڵەکەت بەریتە لای پزیشکی پسپۆڕ بۆ وەرگرتنی چارەسەر.

 

پەخشی راستەوخۆی رادیۆ پۆلەتیک