مردنی ورچێک لە دۆخی سڕیدا

ئەم بابەتە 14 جار بینراوە

پۆڵەتیک پرێس

بدور ورچێکی هیمالایایە لە باخچەی ئاژەڵانی مۆسکۆ بێئەوەی لە دۆخی سڕی زستان بەئاگا بێتەوە مرد.

خزمەتگوزاری تەندروستی باخچەی ئاژەڵان ڕایگەیاند: دوو ورچی دیکە کە لە باخچەی ئاژەڵانی مۆسکۆ دەژین ئەوانیش، ورچێکی قاوەی بەناوی رۆزا و ورچێکی هیمالایا بەناوی عەلائەدین، لەگەڵ هاتنی بەهاردا هەردوکیان بە سەلامەتی و لەکاتی ئاسایی خۆیاندا بەئاگا هاتونەتەوە.

بەڕێوەبەری گشتی باخچەی ئاژەڵانی مۆسکۆ دەڵێت: ورچ بەگشتی لە وەرزی پایزدا دەچێتە دۆخی سڕیەوە و لەگەڵ هاتنی وەرزی بەهار بەئاگا دێتەوە، بەڵام بەداخەوە لەگەڵ هاتنی بەهاری ئەمساڵ بدور ورچێکی هیمالایایە نەیتوانی لە دۆخی سڕی بەئاگا بێتەوە، ئەوەشی خستەڕوو ورچەکە نەخۆش بووە و تەمەنیشی هەبووە، بۆیە لە باخچەی ئاژەڵان یان دارستانیش بوایە نەیئەتوانی لە دۆخی سڕیەکەی بەئاگا بێتەوە.

باسی لەوەشکرد ئەم زستانە سارد و بەفراوی بووە، لەگەڵ ئەوەشدا دوو ورچەکەی دیکە لەکاتی ئاسایدا بەئاگا هاتونەتەوە.

پەخشی راستەوخۆی رادیۆ پۆلەتیک