دادوەرێكی دادگای باڵای تاوانەكان بە كۆرۆنا گیانی لە دەستدا

ئەم بابەتە 133 جار بینراوە

پۆڵەتیك پرێس

ئەمڕۆ هەینی محەمەد عریبی یەكێك لەو دادوەرانەی دادگای باڵای تاوانەكانی عێراق، كە دادگایی سەددام حسێن و سەرانی دیكەی بەعسی كرد، بەهۆی تووشبوونی بە ڤایرۆسی كۆرۆنا گیانی لە دەستدا.

میدیاكانی عێراق بڵاویانكردەوە ، دوای توشبوونی ناوبراو بە كۆرۆنا و مانەوەی لەژێر چاودێری پزیشكدا ئەمڕۆ هەینی محەمەد عریبی گیانی لە دەستدا.
محەمەد عریبی، لە ساڵی 1969 دا لە بەغدا لە دایكبووە و لە ساڵی 1987 دا لە بەشی یاسای زانكۆی بەغدا دەستی بە خوێندن كردووە و لە ساڵی 1992 دا بڕوانامەی بە كالیۆریۆسی لە یاسا دا بە دەستهێناوە.

دوای ڕوخانی ڕژێمی بەعس و پێكهێنانی دادگای باڵای تاوانەكان بووەتە دادوەری ئەو دادگایە و دادگایی سەددام حسێن سەرۆكی پێشووتری عێراق و بەشێك لە سەرانی حزبی بەعسی كردووە.

پەخشی راستەوخۆی رادیۆ پۆلەتیک