کوردستان هەنجیر ڕەوانەی ئەمریکا و ئەوروپا دەکات

پۆڵەتیک پرێس_

ھەنجیری ئاکرێ تام و بۆن و شێوەی لەگەڵ ھەنجیری شوێنەکانی دیکەی ھەرێمی کوردستان و عێراق جیاوازە، ھەر ئەمەیش وای کردووە دانیشتوانی عێراق و گەشتیارانی بیانی ھەنجیری ئاکرێ لەگەڵ خۆیاندا ببەنەوە.

خاوەن باخی هەنجیر و ئەندازیاری کشتوکاڵ، شەهاب فارس ئاماژە بەوە دەکات، “ئەحیا بەگ، بێناتی، ھەنجیرە رەش، تەفسک زەرد و رەش، ھەنجیرە دێم، ھەنجیرە پاییز و سوورخاڵ، ناوی ئەوجۆرە هەنجیرانەن کە ساڵانە رەوانەی ئەورووپا و ئەمریکا دەکرێت”.

دەشڵێت، “ساڵانە لە دەڤەری ئاکرێ زیاتر لە 300 تۆن ھەنجیر بەرھەم دەھێندرێت و زیاتر لە پێنج جۆر ھەنجیریشی ھەیە، لەگەڵ ئەوەشدا باخەوانانی ئاکرێ ساڵانە دەیان تۆن ھەنجیر وشک دەکەنەوە بۆ ئەوەی ھاووڵاتییان لە شەوچەرەی وەرزی زستاناندا سفرەکانیان پێ بڕازێننەوە”.

وێنەکان A.A

پەخشی راستەوخۆی رادیۆ پۆلەتیک