سوودەکانی خواردنەوەی چا

پۆڵەتیک پرێس

خواردنەوەی چا سودی زۆری بۆ لەش هەیە و لە نەخۆشی دەیپارێزێت، بەپێی لێکۆڵینەوەکان چای ڕەش و سەوزیش سودی هەیە بۆ بەرگری لەش.

سوودەکانی خواردنەوەی چا ڕۆژانە:

-چا مادەی بۆلیفینۆلی تێدایە یارمەتی کەمکردنەوەی توشبوون بە نەخۆشی شەکرە، دڵ و دەمارە خوێنەکان دەدات، هەروەها بۆلیفینۆل دژەئۆکسانە ڕێگری لە هەوکردنەکانی لەش دەکات.

-مادەکانی ناو چای ڕەش و سەوزیش یارمەتی بەهێزکردنی بەرگری لەش دەدات و تەندروستییەکی باش بە لەش دەبەخشێت.

-ڕێژەیەکی زۆر ئاو لەخۆ دەگرێت یارمەتی شێدارکردنەوەی لەش دەدات، هەروەها ئاو سودێکی زۆری بۆ نەخۆسییەکان هەیە و تەندروستی باشتر دەکات.

-یارمەتی دابەزاندنی کێش دەدات، وازهێنان لەو خواردنەوانەی شەکریان تێدایە و خواردنەوەی چا یان قاوەی تاڵ لە شوێنیان دەبێتە هۆی دابەزاندنی کێش، بەتایبەتی چای سەوز ڕۆڵێکی گرنگی هەیە لە دابەزاندنی کێش.