لەم ڕۆژانەداو لە سەروبەندی نەورۆزدا، شایەتی بڵاوبوونەوەی گرتەیەكی ڤیدیۆیی بووین، كە كاڵفامێ زۆر نالێپرسراوانە، ھێرش دەكاتە سەر ئیسلام و سوكایەتی بە سەركردەی موسلمانی جیھانیی كورد، سەڵاحەدینی ئەیوبی دەكات ؟!!
لێرەدا ئەم ڕووداوە دەكەینە دەرفەت بۆ جەختكرنەوە لەم خاڵانەی خوارەوە:
١- ھەموو سوكایەتیكردنێك بە ئیسلام و ڕەمزەكانی، بە حوكمی ئەوەی:
ا- ئاینی ٩٥/ ی كوردەواریە.
ب- ڕەھەندێكی سەرەكی و گرنگی مێژوو و ناسنامەو كەسێتی نیشتیمانیی كوردستانییە.
ج- سوكایەتیكردنە بە كوردو مێژوو و فەرھەنگ و ناسنامەكەی.
لەم ڕووەشەوە خۆشاردنەوە لەژێر پەردەی كوردایەتی و ھیچ دروشم و پاساوێكی تر، تكا بۆ ھیچ كەس و ناوەندێك ناكات.
٢- سوكایەتی پێكردن ڕەخنەو گومانی زانستی نییە، تاداوابكرێت بەگفتوگۆو وەڵامی زانستی مامەڵەی لەگەڵدا بكرێت، بەڵكو تاوانە. تاوانیش كاری یاساودادگایە لێپێچینەوەی دەربارە بكەن وكۆمەڵگە دڵنییابكەنەوەو سنور بۆ كاردانەوە شیمانەكراوە نەخوازراوكانی دابنێن .
٣- دەربارەی ئەم كەیسە، دەكرێت دوای ڕ اگیركردنی یاسایی پزیشكێكی دەرونی وئیسلام ناسێ بۆلای بنێردرێت بۆ بەندیخانە، بۆئەوەی ئەگەر سەلما كەم وكورتی عەقڵی ودەرونی نییە، پسپۆڕەئیسلامییەكە یارمەتی بدات بۆ ڕزگاربوون لەوگرێ و بەرچاو لێڵیانەی خستویانەتە دۆخێكی لەم جۆرەوە.
لەھەموو حاڵەتێكیشدا، دوای لێبوردن كردن لە موسوڵمانانی گەلەكەی كورترین وباشترین ڕێگەیە بۆ ڕاستكردنەوەی ئەو ھەڵە گەورەو قێزەونەی ئەنجامی داوە.
ئەبوبەكر عەلی
قەیوان گروپ
مایۆرکا سیتی جوانییەک لە دڵی سروشتدا
