پۆڵەتیك پرێس:
بەهۆی ئەوەی هاوڵاتیان لە سەیرانگاكان نەوتیان كردووەتە دەبەی ئاوخواردنەوە، چەند حاڵەتێكی نەوت خواردنەوەی منداڵان لەسەیرانگاكانی رانیە تۆماركران و كارمەندانی فریاگوزاری سەرەتایی لە سەیرانگاكان هۆشداری دەدەنە دایكان و باوكان لەو دیاردەیە.
پەیامنێری پۆڵەتیك پرێس لە سەیرانگای دەربەندی رانییە وتی: لەسەیرانگاكانی رانییە 5 پێنج حاڵەتی نەوت خواردنەوەی منداڵان تۆماركراون، كە لەلایەن تیمەكانی فریاگوزاری سەرەتایی لە سەیرانگاكان چارەسەر كراون.
وتیشی: هۆكاری ئەو دیاردەیەش دەگەڕێتەوە بۆ ئەوەی، كە هاووڵاتیان لە كاتی چوونیان بۆ سەیرانگاكان نەوتیان كردووەتە دەبەی ئاو خواردنەوەوە و لە نزیك خواردن و پێداویستییەكانی سەیرانكردن دایانناوە و منداڵانیش لە كاتی تینوێتیدا وایانزانیوە ئاوە و خواردوویانەتەوە.
پەیامنێری پۆڵەتیك پرێس، لە زاری كارمەندێكی فریا گوزاری خێراوە گواستییەوە، كە لەكاتی نەوت خواردنەوەی منداڵان دایكان و باوكان هەوڵنەدەن منداڵەكەیان بڕشێننەوە، چونكە ئەوە زیانی زۆرترە لە سود، بەڵكو هەوڵبدەن بە زووترین كات بیگەیەننە تیمە تەندروستییەكان بۆ ئەوەی چارەسەری پێویستییان بۆ بكەن.
قەیوان گروپ
مایۆرکا سیتی جوانییەک لە دڵی سروشتدا
