ژمارە ١ ی گۆڤاری وانەر بڵاوکرایەوە

پۆڵەتیک پرێس

گۆڤاری “وانەر” کە گۆڤارێکی ئەدەبی و هونەریی نوێیە کەوتە بەر دیدەی خوێنەران.

ژمارە  ١  ی ئەم گۆڤارە لە دووتوێی ٢٠٠ لاپەڕەدا بە سپۆنسەری دارایی دکتۆر تەها ڕەسوڵ و وەک یەکێک لە بەرهەمەکانی پەیمانگای مارگرێت بڵاو کرایەوە.

شاخەوان سدیق، نووسەر و رۆژنامەنووسی ئەدەبی سەرنووسەری گۆڤارەکەیە و ئومێد محەمەد کاری هونەری و دیزاین بۆ گۆڤاری وانەر ئەنجام دەدات.

گۆڤارەکە گرنگی بە بوارەکانی (لێکۆڵینەوەو، نووسین و دیداری ئەدەبی و شیعرو و چیرۆک و ڕەخنەیی ئەدەبی) جگە لەوانەش گۆڤارەکە گرنگی بە ھونەرەکانی (شێوەکاری و مۆسیقا و شانۆ و دراماو سینەما)دەدات.

لە ژمارە یەکی گۆڤارەکەدا فایلێکی تایبەت لەسەر نووسەر و ڕۆماننووس (بەختیار عەلی) بڵاوکراوەتەوە، کە تیایدا نووسەر خۆی بە دیدارێکی نوێی تایبەت بە گۆڤارەکە بەشدار بووە.