پۆڵەتیک پرێس
کاروانێکی نوێی هێزەکانی هاوپەیمانانی نێودەوڵەتی لەڕێی هەرێمەوە چووەناو خاکی رۆژئاوای کوردستان.
بەپێی بڵاوکراوەی بەشێک لە میدیاکان، کاروانێکی نوێی هاوپەیمانانی نێودەوڵەتی بە سەرکردایەتی ئەمریکا و لەڕێی دەروازەی سنووری وەلید، لە هەرێمەوە چووە رۆژئاوای کوردستان.
بەپێی ئەو بڵاوکراوانە، کاروانەکە لە 45 بارهەڵگر پێکهاتووە کە هەڵگری سەرچاوەی لۆجستی و تانکی سوتەمەنی و ئۆتۆمبێل بوون.
ئەوەش هاتووە، ئەو کاروانە بە رێگای نێودەوڵەتی M4 بە ئاراستەی دێرەزور و حەسەکە لە رۆژئاوای کوردستان گوێزراوەتەوە کە تیایاندا چەند بنکەیەکی سەربازی ئەمریکا بوونیان هەیە.