پۆڵەتیك پرێس:
توركیا ئاستی ئاوی فوڕاتی كەمكردووەتەوە، ئەندامی نوێنەرایەتی ڕێڤەبەری خۆسەری ڕۆژئاواش دەڵێت: توركیا چەندین جەنگی دژی كورد ئەنجامداوە و ئێستاش جارێكی دیكە دەستی بەجەنگێكی دەروونی كردووتەوە و ئاوی رووباری فوڕاتی گرتووەتەوە.
فەتحوڵڵا حوسێنی ئەندامی نوێنەرایەتی ڕێڤەبەری خۆسەری ڕۆژئاوا لەباشووری كوردستان بەپۆڵەتیك پرێسی وت: یەكەم جار نییە توركیا ئاوی ڕووباری فوڕات دەگرێتەوە، توركیا دەیەوێت كوردی رۆژئاوا نەمێنێتو بوونی كوردیش قبوڵناكات، بۆیە ئێستاش شەڕی گرتنەوەی ئاو دەكات.
ئەو وتیشی: ئەگەر سنوورێك بۆ توركیا دانەنرێت لە دژایەتیكردنی كورد بەردەوام دەبێت، بۆیە داوای لەكۆمەڵگەی نێودەوڵەتیش كرد، كە هەڵوێستیان لەو بارەیەوە هەبێت.
ئەو بەرپرسە باسی لەوەش كرد، بە كەمكردنەوە و گرتنەوەی ئاوی فوڕات هیچ كارەساتێكی مرۆیی رووناداتو ئەوەشی وت: توركیا ناتوانێت بەتەواوی ئاوەكە بگرێتەوە، بەهۆی ئەوەی بەنداوەكانی توركیا توانای ئەو ئاوەیان نییە.
ئەمە لەكاتێكدایە، لەماوەی رابردووشدا توركیا چەند جارێك وێستگەی ئاوی (عەلۆك)ی لەسەرێ كانی لەدانیشتوانی شاری حەسەكە گرتەوە.