چین بۆ جاری دووه‌م ڤاكسینی كۆرۆنا بۆ عێراق ده‌نێرێت

پۆڵه‌تیك پرێس:
حكومه‌تی چین بڕیاریداوه‌ بڕی 200 هه‌زار ژه‌مه‌ ڤاكسینی دیكه‌ی كۆرۆنا بۆ عێراق بنێرێت.

له‌میانی په‌یوه‌ندییه‌كی ته‌له‌فۆنیی نێوان فوئاد حوسێن، وه‌زیری ده‌ره‌وه‌ی عێراق و وانگ یی، هاوتا چینییه‌كه‌ی، ئه‌و وڵاته‌ بڕیاریداوه‌، 200 هه‌زار ژه‌مه‌ ڤاكسینی دیكه‌ی كۆرۆنا بداته‌ عێراق.

فوئاد حوسێن ئاماژه‌ی به‌وه‌شداوه‌، له‌ماوه‌یه‌كی نزیكدا عێراق بڕی 1 ملیۆن ژه‌مه‌ ڤاكسین له‌ چین بكڕێت.

هه‌ر له‌و په‌یوه‌ندییه‌ ته‌له‌فۆنییه‌دا چین پابه‌ندبوونی به‌ وه‌به‌رهێنان و گه‌شه‌پێدانی ئابووریی عێراق دوپاتكردووه‌ته‌وه‌ و وتویه‌تی “ئێمه‌ له‌دۆخی كۆرۆنادا عێراقمان جێنه‌هێشتووه‌”.

پێشتر حكومه‌تی چین له‌ قۆناغی یه‌كه‌مدا بڕی 50 ژه‌مه‌ ڤاكسینی كۆرۆنای بۆ عێراق نارد.

قەیوان گروپ

 


مایۆرکا سیتی جوانییەک لە دڵی سروشتدا