پێشانگای نێودەوڵەتی سلێمانی دوادەخرێت

پۆڵەتیك پرێس

بڕیاربوو لە 10 ی ئەم مانگەدا 14 هەمین پێشانگای نێودەوڵەتی سلێمانی بكرێتەوە، بەڵام بەهۆی كۆرۆناوە بۆ كاتێكی نادیار دواخرا.

حەسەن رەحیم بەڕێوەبەری پێشانگای نێودەوڵەتی سلێمانی بە پۆڵەتیك پرێسی راگەیاند: دواخستنی پێشانگای نێودەوڵەتی سلێمانی كە لەلایەن كۆمپانیای D.B.X ەوە ئەنجام دەدرێت دواخراوە بۆ كاتێكی نادیار بەهۆی پەتای كۆرۆناوە.

بەڕێوەبەری پێشانگای نێودەوڵەتی سلێمانی وتی: بەشێك لە كۆمپانیاكان لە شارەكانی خوارووی عێراقەوە بەشداری دەكەن، ئێستاش بەهۆی توندكردنەوەی رێكارەكانی خۆپارێزی لە كۆرۆنا، لە پارێزگاكانی ناوەڕاست و باشووری عێراق قەدەغەی هاتووچۆ هەیە، ئەمەش بووبەهۆی دواخستنی پێشانگاكە.

ئاشكراشیكرد، بڕیاربوو جگە لە كۆمپانیا عێراقییەكان، لە هەشت وڵاتی جیاجیاوە نزیكەی 180 كۆمپانیا بەشداری پێشانگاكە بكەن.