بیرۆکەی ڕێکخستنی گوڵ لە ماڵدا

پۆڵەتیک پرێس

دانانی گوڵ و بۆ ڕازاندنەوە و دیزاین کردنی بەشە جیاوازەکانی ماڵ جوانییەکی تایبەت دەبەخشێت بەتایبەت گوڵی سروشتی، بەڵام نابێت لەهەموو شوێنێک دابنرێت پێویستە لەگەڵ شوێن و کەلوپەلەکاندا بگونجێت.

چەند بیرۆکەیەک بۆ دیزاینکردن و دانانی گوڵ لە بەشە جیاوازەکانی ماڵ:

-ڕاڕەوی چونەژورەوەی ماڵ

لە ڕاڕەوی چونەژورەوە گوڵێ لاسک درێژ گونجاوە، چەپکە گوڵەکە لەلای ڕاست یان چەپی ئاوێنە، یان لەسەر زەویش دەتوانرێت دابنرێت، هەروەها دەتوانرێت سندوقی دەستکردی دار گوڵی تێبکرێت و دابنرێت.

-لە هۆڵدا

لەناو هۆڵیشدا گوڵی لاسک درێژ گونجاوە، لەسەر مێزی ناوەڕاست یان لە سوچەکاندا دەتوانرێت دیزاین بکرێت بەپێی کەلوپەل و فەرشی ماڵەکە.

-لەژووری دانیشتن

دەتوانرێت گوڵی سروشتی لەناو شوشەیەکی ڕووندا بەکاربهێنرێت، بەتایبەتی لەسەر مێزی تایبەت بە شوێنەکە.

-لەژووری نوستن

لەژووری نوستندا دەتوانرێت گوڵی دەستکرد بەکاربهێنرێت لەگەڵ دانانی هەندێک گەڵای سەوز.

-لە چێشتخانەدا

گوڵ یان گەڵای سەوزی بچووک دەتوانرێت لە چێشتخانەکاندا لەسەر مێزی نانخواردن یان دیواری لای قاپشۆر بەکاربهێنرێت.

-لە دەستشۆر

گوڵی دەستکرد بەکاربهێنرێت باشترە چونکە لای دەستشۆر شوێنێکی شێدارە، دەتوانرێت لە شوشە یان دار یان پلاستیکدا دابنرێت لەلای ڕاست یان چەپی ئاوێنەکەدا.