تورکیا لەبارەی بەکارهێنانی سیستمی ئێس-400 هۆشداریدەدات

ئەم بابەتە 310 جار بینراوە

پۆڵەتیک پرێس

خوڵوسی ئاکار، وەزیری بەرگری تورکیا جەختی لەوەکردەوە، سیستمی بەرگری ئێس-400ی روسی بۆ روبەڕوبوونەوەی هەڕەشە و مەترسییەکان بەکاردەهێنرێت و نابێتە هەڕەشە بۆسەر ئەو کەسانەی نیازی هێرشکردنەسەر تورکیایان نییە.

لەلایەکی دیکەوە، خوڵوسی ئاکار ئیدانەی ئەو سنورانەی کرد کە لەلایەن ئەمریکاوە بۆ تورکیا دانراون لەبارەی پڕۆژەی فڕۆکە جەنگییەکانی ئێف-35 و وتی: ئەم رەفتارە لەگەڵ گیانی هاوپەیمانیبووندا ناگونجێت.

ئاماژەی بەوەشکرد، بەپێی پێویست وەڵامی ئەو فڕۆکە جەنگیانەی یۆنان دراوەتەوە کە بوونەتەهۆی بێزاری بۆ کەشتی گەڕانی تورکیا لە دەریای ئیجە، وتیشی: ئەم کردارەی یۆنان لەگەڵ مامەڵەی دراوسێیەتی یەکناگرێتەوە.

ئەوەش لەکاتێکدایە سەرەتای هەفتە، فڕۆکە جەنگییەکانی یۆنان بە مەودای دوو میلی دەریا لە کەشتی “تی جی جی چیمە”ی تورکی نزیکبوونەوە.

پەخشی راستەوخۆی رادیۆ پۆلەتیک