مالکی: کورد و سوننەکان نایانەوێت ئەمریکا لە عێراق بمێنێتەوە

ئەم بابەتە 102 جار بینراوە

پۆڵەتیک پرێس

نوری مالکی، سەرۆکی هاوپەیمانی دەوڵەتی یاسا جەختی لەوەکردەوە، کورد و سوننەکان نایانەوێت هێزەکانی ئەمریکا لە عێراق بمێنێتەوە و وتی: بوونی ئەمریکا مەترسیدارە بۆسەر ئەو پێکهاتانە.

مالکی بە میدیاکانی عێراقی راگەیاند، ویستی مانەوەی ئەمریکییەکان تێهەڵچوونێکی راستەقینە نییە کە لکێنراوە بە کورد و سوننەکانەوە و مەترسیدارە بۆ ئەو پێکهاتانە، وتیشی: ئێمە پێویستمان بە هێزەکانی ئەمریکا نییە لە عێراق.

ئاماژەی بەوەشکرد، پێویست ناکات هێزەکانی ئەمریکا لە عێراق بمێننەوە و لەڕووی سەربازیشەوە پێویستمان پێیان نییە.

لەبارەی ئاراستەکانی ئیدارەی جۆ بایدن، سەرۆکی نوێی ئەمریکا سەبارەت بەمانەوەی هێزەکانی ئەو وڵاتە لە عێراق مالکی وتی: ئیدارەی نوێی ئەمریکا هێزە ئەمریکییەکان لە عێراق دەردەکات.

ئەوەش لەکاتێکدایە، ساڵی رابردوو ئیدارەی پێشووی ئەمریکا بە سەرۆکایەتی دۆناڵد ترەمپ، بڕیاریدا بە کەمکردنەوەی هێزە ئەمریکییەکان لە عێراق.

پەخشی راستەوخۆی رادیۆ پۆلەتیک