كۆمەڵ ناوی حزبەكەی گۆڕی و پاشگری ئیسلامییەكەی لابرد

ئەم بابەتە 125 جار بینراوە

پۆڵەتیك پرێس

كارەكانی كۆنگرەی چوارەمی كۆمەڵ بەردەوامەو لە دواین پێشهاتیشدا ناوی حزبەكە لە كۆمەڵی ئیسلامی كوردستانەوە بۆ كۆمەڵی دادگەریی كوردستان گۆڕا، بەوەش كۆمەڵ پاشگری ئیسلامییەكەی لابرد.

پێشتریش هەر یەكە لە عەلی باپیر ئەمیر كۆمەڵا و چەند بەرپرسێكی دیكەی ئەو حزبە ئاماژەیان بە لابردنی پاشگری ئیسلامی لە حزبەكەیان كردووە.

هاوكات بەشێك لە بەرپرسانی ئەو حزبەش پێش بەستنی كۆنگرە هۆشدارییاندا لەوەی نابێت بەهیچ شێوەیەك پاشگری ئیسلامی لاببرێت ئەگەرنا ئەوا ماڵئاوایی لە حزبەكەیان دەكەن.

لە رۆژی یەكەمی كۆنگرەدا كە 18ی ئەم مانگە دەستی پێكرد، عەلی باپیر ئەمیری پێشووی كۆمەڵ بۆ جاری چوارەم و بەكۆی دەنگی ئەندامانی كۆنگرە بە كەسی یەكەمی حزب هەڵبژێردرایەوە.

پەخشی راستەوخۆی رادیۆ پۆلەتیک