پۆڵەتیك پرێس
سەرۆكانی روسیاو توركیا پەیوەندییەكی تەلەفۆنیان ئەنجامداو هەردولا تاوتوێی پەرەسەندنەكانی قەرە باغ و بابەتی سەقامگیری سوریا و لیبیایان كرد.
سەرۆكایەتی توركیا لە بەیاننامەیەكدا رایگەیاندوە لەو پەیوەندییە تەلەفۆنییەدا، هەریەكە لە پۆتین و ئەردۆغان باسیان لە كاری ناوەندی چاودێری لە ناوچەی قەرە باغ و سەقامگیری لە سوریا و لیبیا كردووە.
ئاماژە بەوەشكراوە، ئەردۆغان رایگەیاندووە شارەزایانی توركیا و روسیا دەتوانن لەگەڵ هاوتا ئازەربایجانییەكانیان كۆببنەوە بۆ زیادكردنی كارایی پرۆژەكانی گواستنەوە لە ناوچەی قەرە باغ و بەپێیوستی زانیووە لە هەموو ناوچەكان هەوڵی هاوبەش زیاتر بكرێت بۆ مسۆگەركردنی بەردەوامی ئاگربەست.
ئەوەشخراوەتەڕوو، هەردولا باسیان لەگرنگی چارەسەركردنی پرسی سوریا كردوەو جەختیان لەوەكردوەتەوە، نابێت دەرفەتی ئاشتی و سەقامگیری لە لیبیا لە دەست بچێت.