پۆڵەتیک پرێس
ئیرەج مەسجدی، باڵیۆزی ئێران لە عێراق رایگەیاند، بۆ یەکەمجار دادگایەکی تایبەت بۆ لیکۆڵینەوە لە کوژرانی قاسم سولەیمانی، فەرماندەی پێشووی سوپای پاسداران و ئەبومەهدی موهەندیس، جێگری پێشووی دەستەی حەشدی شەعبی پێکدەهێنرێت.
مەسجدی بە میدیاکانی عێراقی راگەیاند، پێناچێت دادگا نێودەوڵەتییەکان رێوشوێنی چالاک بگرنەبەر بۆ یەکلاکردنەوەی دۆسیەی کوژرانی سولەیمانی و موهەندیس، بۆیە ئەم دادگا تایبەتە لە هەریەکە لە عێراق و ئێران پێکدەهێنرێت.
ئاماژەی بەوەشکرد، تۆمەتباری سەرەکی لەم تاوانەدا دۆناڵد ترەمپ، سەرۆکی پێشووی ئەمریکا و سەرکردە ئەمریکییەکانن، وتیشی: بەنێودەوڵەتیکردنی ئەم دۆسیەیە بەجۆرێک کە لەژێر کاریگەری ئەمریکادا بێت گونجاو نییە.
3ی کانوونی دووەمی 2020، هەریەکە لە قاسم سولەیمانی و ئەبومەهدی موهەندیس لە بۆردومانی فڕۆکەیەکی بێفڕۆکەوانی ئەمریکا لەنزیک فڕۆکەخانەی نێودەوڵەتی بەغدا کوژران.
قەیوان گروپ
مایۆرکا سیتی جوانییەک لە دڵی سروشتدا
