قاچاخی لەخاڵی سنووری باشماخ ڕادەگیرێت

ئەم بابەتە 91 جار بینراوە

پۆڵەتیك پرێس:
عەلی حەمەساڵح سەرۆكی فراكسیۆنی بزووتنەوەی گۆڕان لەپەرلەمانی كوردستان رایگەیاند، لەرۆژی شەممەوە 15ی ئاب، قاچاخی لە خاڵی سنووری باشماخ ڕاگیراوە.

عەلی حەمەساڵح لەمیانی لێدوانێكی بۆ “پۆڵەتیك پرێس” راشیگەیاند، ئەمە ھەنگاوێكی باشەو سوپاسی ھەموو ئەوانە دەكەین، كە ھەوڵیانداو ھاوكاربوون ‌و ھیوادارین نەكرێتەوە.

لەبارەی وردەكاری زیاتر بۆ راگرتنی قاچاغچێتی، سەرۆكی فراكسیۆنی گۆڕان روونیكردەوە، لەزۆربەی خاڵە سنوورییەكان هێڵێكی هاتووچۆ هەبوو، لەو هێڵەوە هەرچۆنێك‌و هەرچییەك بویستایە، دەتوانی داغڵی هەرێمی كوردستانی بكەیت، كە ئەمە ئێستا لەباشماخ راگیراوە.

باسی لەوەش كرد، پێویستە لەسەرجەم خاڵە سنورییەكانی دیكەش قاچاغچێتی ڕابگیرێت‌و دەبێت ئێمەش لەچاودێریكردنی خۆمان بەردەوام بین‌و كاری كۆمپانیاكانیش لەو خاڵانە رێكبخرێتەوە.

ماوەیەكە عەلی حەمەساڵح‌و چەند پەرلەمانتارێكی ترو تەنانەت لایەنە سیاسییەكانیش پرسی قاچاغچێتی خاڵە سنوورییەكانیان وروژاندووەو بۆ ئەو مەبەستەش داوا لەسەرۆكایەتی پەرلەمان‌و حكومەت كراوە رێكاری پێویست بگرنە بەر.

پەخشی راستەوخۆی رادیۆ پۆلەتیک