پۆڵەتیك پرێس:
بڕیارە هەریەك پارتەكانی یەكێتی نیشتمانیی كورد- پەیەنەكە و ئەنجوومەنی نیشتمانی كورد- ئەنەكەسە، لەژێر سەرپەرشتی ئەمریكادا خولێكی دیكەی دانووستان ئەنجامبدەن.
سەرچاوەیەك لە رۆژئاوای كوردستان بۆ پۆڵەتیك پرێس وتی: بڕیارە هەفتەی داهاتوو بەسەرپەرشتی ئەمریكا ئەنەكەسەو پەیەنەكە كۆببنەوەو دەست بەگفتوگۆو دانوستانەكانیان بكەنەوە.
سەرچاوەكە وتیشی: كێشە سیاسییەكانی نێوان هەردوولا چارەسەر بووە ئەوەی ماوەتەوە پەیوەستە بەچارەسەركردنی كێشە كارگێڕی و سەربازییەكان.
پێشتر مەزڵوم عەبدی فەرماندەی گشتی هێزەكانی سوریای دیموكرات-هەسەدە رایگەیاندبوو، سەركەوتنی دیالۆگی نێوان ئەنەكەسە و پەیەنەكە ئامانجمانە.
لە 17ی ئایاری 2020 بە ئامادەبوونی نوێنەری ئەمەریكا، شاندی پەیەنەكە و ئەنەكەسە رایانگەیاند، گەیشتوونەتە تێڕوانینێكی سیاسی هاوبەش.