پەرتووکە نوێیەکەی توانا حەمە بڵاوکرایەوە

کتێبی پیانۆ بۆ هەمووان ، کە وەرگێڕانێکی نوێی ئیتنۆمیوزیکۆلۆژیست و مامۆستای موزیک توانا حەمەیە بڵاو کرایەوە.

توانا حەمە، موزسیان و مامۆستای موزیکە، دەرچووی پەیمانگای هونەرە جوانەکان و بەشی موزیکی زانکۆی سلێمانیە، ماوەی ١٣ ساڵە لەو بوارەدا کاردەکات، سەرەڕای نوسینی دەیان وتار و لێکۆڵینەوە لەبواری موزیک ، خاوەنی چوار پەرتووکی دیکەیە بە ناوەکانی چەمکی ئەوانی دی لە میوزیکی کوردیدا، میوزیک و سیاسەت،میوزیک چیە، ئۆرکێسترا چیە، کتێبی پیانۆ بۆ هەمووان پێنجەم کتێبیەتی.

توانا حەمە، مامۆستای موزیک و وەرگێڕی کتێبەکە لەبارەی کتێبەکەوە بە بەشی فەرگەنگی پۆلەتیک پرێس-ی وت، ” ئەم پەرتووکە زنجیرەی سێیەمە لە پرۆژەی ٥٠ کتێب کە لە پێشتردا زنجیرەی یەکەم و دووەمی بە ناوی میوزیک چیە و ئۆرکێسترا چیە بڵاوکراوەتەوە”.

توانا حەمە لەبارەی ناوەڕۆکی پەرتووکەکەوە وتی، ” پیانۆ بۆ هەمووان پەرتووکێکە بۆ فێرخوازانی پیانۆ لە ئاستی سەرەتاییدا و فێرخوازان و مامۆستایانی پیانۆ دەتوانن کەڵکی لێ وەربگرن، هاوکات سی دیەکی ڕاهێنانی لەگەڵدایە، روونکردنەوەی تیۆری تێدایە بۆ فێربوونی پیانۆ و خوێندنەوەی نۆتەکان بەشێوەیەکی ئەکادیمی”.

پەرتووکەکە بە زمانێکی پاراوی کوردی وەرگێڕدراوە و هەموو فێرخوازێک دەتوانێت فێری ئاستی یەکەمی پیانۆ ببێت، ئەم پەرتووکە لە نوسین و دانانی ئەندرۆ فڵینە.

پەرتووکەکە لەسەر ئەرکی توانا حەمە خۆی چاپکراوەو لە شاری سلێمانی تەنها لە جان کافێ دەستدەکەوێت، هاوکات فێرخوازان دەتوانن بەشێوەی دیلیڤەری دەستیبخەن.