نرخی نەوت بەرزبوونەوەی زیاتری تۆمار كرد

ئەم بابەتە 122 جار بینراوە

پۆڵەتیك پرێس

نرخی نەوت بەرزبونەوەیەكی بەرچاوی بەخۆیەوە بینی و لەئێستا یەك بەرمیل نەوتی برێنت بە 59 دۆلارو 25 سەنت مامەڵەی پێوە دەكرێت، ئەوەش بە بەرزترین نرخ دادەنرێت لەماوەی ساڵی رابردوەوە تاوەكو ئێستا.

هاوكات لەگەڵ بەرزبونەوەی نەوتی برێنت نرخی بەرمیلێك نەوتی تەكساسی ئەمریكاش گەشتە 56 دۆلارو 58 سەنت.

كەمبوونەوەی نەوتی عەمباركراوی ئەمریكا و پابەند بوونی وڵاتانی بەرهەمهێنی نەوت بە بڕیارەكانی ئۆپیك بۆ كەمكردنەوەی هەناردەكردنی نەوتی وڵاتانی ئەندام لەو ڕێكخراوە، دوان لەبەهێزترین هۆكارەكانن بۆ بەرزبوونەوەی نرخی نەوت.

لەسەرەتای شوباتی ساڵی رابردوداو بەهۆی سەرهەڵدانی ڤایرۆسی كۆرۆناوە نرخی نەوت نزمبوونەوەی بەرچاوی بەخۆیەوە بینی، لەئێستاشدا گرتنەبەری رێكارەكان لە هەندێك وڵات وایكردووە نرخی نەوت ناجێگری بەخۆیەوە ببینێت.

پەخشی راستەوخۆی رادیۆ پۆلەتیک