پۆڵەتیک پرێس
هێزە ئەمنییەکانی عێراق رێوشوێنی ئەمنی توندیان لە خاڵەکانی پشکنینی فڕۆکەخانەی نێودەوڵەتی بەغدا گرتەبەر.
سەرچاوەیەک بە میدیاکانی عێراقی راگەیاند، هێزە ئەمنییەکان رێوشوێنی ئەمنی توندیان لە خاڵەکانی پشکنینی ئاسایی و VIP لە فڕۆکەخانەی نێودەوڵەتی بەغدا گرتووەتەبەر لە ترسی رووداو و حاڵەتی لەناکاو.
سەرچاوەکە ئاماژەی بەوەشکرد، لەدوای ئەوەی زانیارییەکان لەبارەی بەئامانجگرتنی بەغدا بڵاوکرانەوە، دەستکرا بە توندکردنی رێوشوێنە ئەمنییەکان.
ئەوەش لەکاتێکدایە، هەفتەی رابردوو، بەهۆی دوو تەقینەوە لە بەغدا 32 کەس گیانیان لەدەستدا و بە سەدان کەسی دیکەش بریندار بوون.