پۆڵەتیک پرێس
وەزیری کۆچی عێراق رایگەیاند، کەمپی سەلامیە لە پارێزگای نەینەوا داخرا لەدوای ئەوەی سەرجەم ئاوارەکانی ناوی گەڕانەوە ناوچەکانی خۆیان.
ئیڤان فایەق، وەزیری کۆچی عێراق رایگەیاند، گەڕانەوەی ئاوارەکان و کۆتاییهاتنی دۆسیەی ئاوارەبوون لە کارە لەپێشینەکانی حکومەتن، وتیشی: یەکلاکردنەوەی ئەو دۆسیەیە دەبێتەهۆی بەهێزکردنی ئاشتی ناوخۆیی لەناو کۆمەڵگای عێراق.
ئاماژەی بەوەشکرد، هەزاران منداڵ لەناو خێمەکاندا لە دۆخێکی سەختدا دەژیان، ئیدی کاتی ئەوەیە ئەو نەوەیە بەشێوەیەکی دروست و لە ژینگەیەکی جێگیر و گونجاودا ژیان بەسەرببەن.
ئەوەشی خستەڕوو، کەمپی سەلامیە کە زیاتر لە پێنج هەزار خێزان تێیدا نیشتەجێ بوون لە ئێستادا داخراوە و سەرجەم ئاوارەکان بە پلانێکی وەزارەت گەڕێندراونەتەوە ناوچەکانی خۆیان.
لەماوەی رابردوودا، حکومەتی عێراق بڕیاریدا سەرجەم خێمەی ئاوارەکان دابخات و دەست بکات بە گەڕاندنەوەی ئاوارەکان بۆ ناوچەکانی خۆیان.
قەیوان گروپ
مایۆرکا سیتی جوانییەک لە دڵی سروشتدا
