پۆڵەتیک پرێس
کەشتی فڕۆکەهەڵگری چارلس دیگۆلی فەڕەنسی لە نیوەی دووەمی ئەمساڵدا لەچوارچێوەی کارەکانی هاوپەیمانیی نێودەوڵەتی دەچێتە رۆژهەڵاتی دەریای سپی ناوەڕاست و زەریای هندی.
لەوبارەیەوە، فلۆرانس بارلی وەزیری بەرگری فەڕەنسا رایگەیاند، ئەرکی داهاتووی کەشتی فڕۆکەهەڵگری چارلز دیگۆل بەشداریکردن دەبێت لە ئۆپراسیۆنێکی سەربازی نێودەوڵەتی بە سەرکردایەتی ئەمریکا دژی رێکخراوی چەکداری داعش لە عێراق و سوریا.
لە سەرەتای ساڵی 2020 هەتا ئێستا، ئەمە یەکەمین ئەرکە کە کەشتی چارلز دیگۆل ئەنجامیدەدات، لەدوای ئەوەی دوو لەسەر سێی تیمەکەی توشی ڤایرۆسی کۆرۆنا بوون.
بارلی وتیشی: نزیکەی 900 سەرباز بەشداری ئۆپراسیۆنەکەی دژی داعش دەکەن و ئامانج لەم ئەرکەش کۆتاییهێنانە بە چالاکییەکانی ئەو رێکخراوە چەکدارییە توندڕەوە.
لەماوەی رابردووشدا، فلۆرانس بارلی ترسی خۆی لەبارەی دووبارە سەرهەڵدانەوەی رێکخراوی چەکداری داعش لە هەریەکە لە عێراق و سوریا راگەیاند.
قەیوان گروپ
مایۆرکا سیتی جوانییەک لە دڵی سروشتدا
