پۆڵەتیک پرێس
لە چوارچێوەی یاسای چاکسازیدا، وەزیری دارایی و ئابووری حکومەتی هەرێم موچە و خانەنشینی 10 هەزار مووچەخۆری نایاسایی هەرێمی بڕی.
رۆژی دووشەممە، ئاوات شێخ جەناب رایگەیاند، بە پاڵپشت بە یاسای چاکسازی ژمارە 2ی ساڵی 2020 و پەیڕەوی جێبەجێکردنی یاسای چاکسازی لە موچە و دەرماڵە و ئیمتیازەکان و خانەنشینی لە هەرێمی کوردستان، موچە و خانەنشینی زیاتر لە 10 هەزار موچەخۆری نایاسایی بڕا.
باسی لەوەش کرد، ئەو موچەخۆرانە لە سیستمی بایۆمەتریدا دوو جار یاخود زیاتر ناویان تۆمار کراوە، وتیشی: ژمارەیان 21 هەزار و 588 دۆسیەیە بە نایاسایی مووچە وەردەگرن.
ئاماژەی بەوەشدا، هەر مووچەخۆرێك لەم بڕیارە زەرەرمەندبێت دەتوانێت لە ماوەیەكی دیاری كراودا لە رێگەی لایەنی پەیوەندیدار یان فەرمانگەكەی تانە لە بڕیارەكە بدات.