پەرلەمانی بەریتانیا رێككەوتنی برێكزتی پەسەندكرد

ئەم بابەتە 190 جار بینراوە

پۆڵەتیك پرێس

دوای ئەنجامدانی رێككەوتنی بازرگانی بەریتانیاو وڵاتانی ئەوروپی، پەرلەمانی بەریتانیا بە زۆرینەی دەنگی ئەندامانی رێككەوتنی برێكزتی پەسندكرد.

رێككەوتنەکە بەدەنگی 521 پەرلەمانتار كە زۆرینەی پەرلەمان پێكدەهێنن پەسەندكراو دوای واژوكردنی لەلایەن شاژنی ئەو وڵاتەیە، بەریتانیا دەتوانێت بارزگانی لەگەڵ 27 وڵاتەكەی یەكێتیی ئەوروپا بكات.

بۆریس جۆنس سەرۆكوەزیرانی بەریتانیا رایگەیاندووە، رێككەوتنی بازرگانیان لەگەڵ یەكێتیی ئەوروپا رێگە بە بەریتانیا دەدات كە بەشی خۆی وەرگرێت.

ئاماژەی بەوەشكرد، رێككەوتنەكە بەمانای دروستكردنی رێگر و بەربەست نابێت بۆ بازرگانی، بەڵام گۆڕانكاری لەمیكانیزمی بازرگانیدا دەبێت.

ئەوەش دوای ئەوە دێت رۆژی چوار شەمە 30ی كانوونی یەكەم، سەرۆكی كۆمیسیۆنی ئەوروپا و سەرۆكی ئەنجومەنی ئەوروپا، لە برۆكسل واژۆیان لەسەر رێككەوتننامەی برێكزت كرد.

لە ئاداری 2016ەوە بەریتانیا بڕیاری چوونە دەرەوەی لە یەكێتی ئەوروپاداو دەیەوێت لە رێی رێككەوتنێكەوە پەیوەندییە بازرگانییەكانی لەگەڵ ئەوروپا بپارێزێت، بەڵام تەنگژەی رێككەوتنی بڕێكزت فشاری گەورەی لەسەر دانابوو.

بەپێی رێككەوتنەكەی برێكزت، رێگە بە بەریتانیا دەدات لەو كۆمەڵە رێككەوتن و یاسایەی بە یەكێتی ئەوروپای بەستوەتەوە دەربچێت و رێگەی خۆی بگرێتەبەر و بازرگانیی ئازادی خۆی لەگەڵ یەكێتی ئەوروپا ئەنجامبدات.

پەخشی راستەوخۆی رادیۆ پۆلەتیک