پۆڵەتیك پرێس
سندوقی دراوی نێودەوڵەتی پێشوازی لە پەسەندكردنی پرۆژە یاسای بودجەی 2021ی عێراق كرد و ئامادەیی نیشانداوە بۆ پشتگیری كردنی لە عێراق لەو چاكسازییانەی حكومەت دەیەوێت ئەنجامیان بدات.
نوێنەری سندوقی دراوی نێودەوڵەتی رایگەیاند: پێشوازی لە بڕیاری ئەنجومەنی وەزیرانی عێراق دەكەن تایبەت بە پەسەندكردنی پرۆژە یاسای بودجەی ساڵی 2021.
نوێنەرەكەی سندوقی دراوی نێودەوڵەتی جەختی كردەوە لەوەی هەنگاوی گرنگ و پێویست بنرێت لە پێناو جێگیربوونی رەوشی ئابوری لە عێراقدا.
بودجەی گشتیی عیراق بۆ 2021 بە 150 تریلیۆن دینار خەمڵێنراوە و 58 تریلیۆن دینار كورتهێنانی هەیە، بۆ تێپەڕاندنی كورتهێنانی بودجە بانكی ناوەندی عێراق هەستا بە بەرزكردنەوەی نرخی دۆلار لە بەرامبەردیناردا.