ترەمپ پەسەندکردنی ڤاکسینێکی دیکە رادەگەیەنێت

پۆڵەتیک پرێس

سەرۆکی ئەمریکا رایگەیاند، ڤاکسینی دژە کۆرۆنای مۆدێرنا پەسەندکرا و بە زووترین کات دابەش دەکرێت.

رۆژی هەینی، دۆناڵد ترەمپ لە تویتێکدا رایگەیاند، وڵاتانی ئەوروپا بەهۆی ڤایرۆسە “چینی”یەکەوە زیانی زۆریان بەرکەوت، بەتیابەت وڵاتانی ئەڵمانیا، ئیتاڵیا، ئیسپانیا و فەڕەنسا.

وتیشی: ڤاکسینەکان لە ریگادان و ڤاکسینی مۆدێرناش پەسەندکرا و بە زووترین کات دابەش دەکرێت.

ئەم تویتەی دۆناڵد ترەمپ لە کاتێکدایە، تا ئێستا ئیدارەی خۆراک و دەرمانی ئەمریکا هیچ راگەیەندراوێکی لەسەر ڤاکسینی مۆدێرنا بڵاونەکردووەتەوە.

هەفتەی رابردوو، ئەمریکا دەستیکرد بە دابەشکردنی ڤاکسینەکەی کۆمپانیای فایزەری ئەمریکی و بیۆنتێکی ئەڵمانی.