ساڵی ٢٠٢٠ لە ١٠ وێنەدا ببینە

ئەم بابەتە 105 جار بینراوە

پۆڵەتیک پرێس

ساڵی ٢٠٢٠ ساڵێک بوو پڕر لە رووداوی جیاواز، چ لەسەر ئاستی سیاسی یاخود تەندروستی و کۆمەڵایەتی و هونەری، لێرەدا چەند وێنەیەک دەخەینەڕوو بە کورتی پێناسەی ئەو ساڵە دەکات.

١- کوژرانی قاسم سولەیمانی

سەرەتای کانوونی دووەمی ئەمساڵ قاسم سولەیمانی و ئەبومەهدی موهەندیس لە بۆردومانێکی ئەمریکادا لە نزیک فڕۆکەخانەی نێودەوڵەتی بەغدای پایتەختی عێراق کوژران.

Thousands attend the funeral of Qasim Sulaimani, slogans of the dead...

٢- رۆژووشکاندن لەناوەڕاستی داروپەردووەکانی سوریا

لە ناوچەیەکی سەر بە پارێزگای حەلەب لە سوریا، دانیشتووانی ناوچەکە لە مانگی رەمەزاندا، بەیەکەوە سەرقاڵی شکاندنی رۆژووەکانیانن.

٣- تەقینەوەی بەندەرەکەی بەیروت

لەم وێنەیەدا کاریگەرییەکانی تەقینەوەی بەندەری بەیروت دەردەکەوێت کە بووەهۆی گیانلەدەستدان و بریندار بوونی هەزاران دانیشتووی لوبنان.

Beirut Explosion: Cause, Video - The Physics of Mushroom Clouds

٤- کۆتاییەکی ئەرێنی لە وێرانبوونی ئیزمیر

ئایدای تەمەن چوار ساڵان، لەدوای ٩١ سەعات لەو بومەلەرزەیەی کە بە هێزی ٦.٦ پلەی رێختەر ئیزمیری هەژاند، رزگاری دەبێت.

٥- ساڵی کۆرۆنا و باوەشی پلاستیکی

لەم وێنەیەدا ئۆلیڤیا گرانت ئەکتەری بەریتانی داپیرەی لە باوەش دەگرێت بەڵام بەشێوەیەکی جیاواز و بەبێ بەرکەوتنی راستەوخۆ لە ترسی گواستنەوە و بڵاوبوونەوەی ڤایرۆسی کۆرۆنا.

٦- جۆ بایدن و کامالا هاریس دۆناڵد ترەمپ دووردەخەنەوە

هەڵبژاردنی سەرۆکایەتی ئەمریکا بۆ ساڵی ٢٠٢٠ بووەهۆی دوورخستنەوەی دۆناڵد ترەمپ و  جۆ بایدن زۆرترین دەنگی بەدەستهێنا و مانگی داهاتوو بەشێوەیەکی فەرمی دەبێتە سەرۆکی ئەمریکا.

As India celebrates Joe Biden's running mate Kamala Harris, a question over China and regrets over Namaste Trump | South China Morning Post

٧- کوژرانی جۆرج فڵۆید و خۆپیشاندانەکانی ئەمریکا لەژێر ناوی ژیانی رەشپێستەکان گرنگە

لەدوای ئەوەی پۆلیسی ئەمریکا جۆرج فڵۆیدیان کوشت، خۆپیشاندان و ناڕەزایەتییەکان لە سەرجەم ویلایەتەکانی ئەمریکا دژی رەگەزپەرستی سەریان هەڵدا.

٨- گیانلەدەستدانی دیێگۆ مارادۆنا

لە کۆتاییەکانی ئەمساڵدا، دیێگۆ مارادۆنا ئەفسانەی تۆپی پێی ئەرجەنتین لە تەمەنی ٦٠ ساڵیدا کۆچی دوایی کرد.

٩- کوژرانی زانای ئەتۆمی ئێران

ئەمساڵ ساڵێکی تراژیدی بوو بۆ ئێرانییەکان، بەتایبەت لەدوای کوژرانی موحسین فەخریزادە زانای ئەتۆمی ئێران.

Chief Iranian nuclear scientist Mohsen Fakhrizadeh assassinated near Tehran | FDD's Long War Journal

١٠- ئاگرکەوتنەوە لە کالیفۆرنیا

ئاگرێکی گەورە لە کالیفۆرنیا هەتا واشنتۆن لە ئەمریکا کەوتەوە کە بووەهۆی سوتانی ملیۆنان دۆنم زەوی و ئاوارەبوونی هەزاران هاوڵاتی.

A perfect storm': Why a California wildfire continues to elude firefighters

پەخشی راستەوخۆی رادیۆ پۆلەتیک