پۆڵەتیك پرێس
لەسەر داوای مستەفا كازمی، ئەمڕۆ لاهور شێخ جەنگی هاوسەرۆكی یەكێتی بەشداری كۆبونەوەی لوتكەی لایەنە سیاسییەكانی عێراق دەكات و وەك نوێنەری خەڵكی هەرێم داكۆكی لەماف و شایستەداراییەكانی هاوڵاتیان دەكات.
پێشتر لاهور شێخ جەنگی پەیامێكی بۆ خۆپیشاندەرانی كوردستانی بڵاوكردەوە رایگەیاند، رۆژی یەك شەمە بەشداری ئەو كۆبونەوەیە دەكات و دڵنیایشیدا لەوەی وەك نوێنەری خەڵكی كوردستان بەشداری كۆبونەوەكە دەكات.
دەشڵێت، “لە كۆبونەوەكەدا بەرگری لە مافەكانتان دەكەین و هەموو هەوڵێك دەدەین پشك و مافە رەواكانتان لە بودجەی فیدراڵی ٢٠٢١ دا جێگیر بكرێت و بە یەكجاری ئەم كێشە درێژخایەنە كۆتایی پێ بێت”.
كۆبونەوەكە لەكاتێكدایە، ماوەی شەش ساڵە هەرێم و بەغدا كێشەی بەردەوامی دارایی لەنێوانیاندا هەیە هەردولاش یەكتر بە پابەند نەبوون بە رێككەوتنەكانی نێوانیان تۆمەتبار دەكەن.