پۆڵەتیك پرێس:
شەپۆلێكی سەرما روو لەناوچەكانی هەرێمی كوردستان دەكاتو ئەگەری بارینی بەفریش لەناوچە شاخاوییەكان بەتایبەتی لەپارێزگای سلێمانی دەكرێت.
ئاسۆ كەمال بەڕێوەبەری كەشناسی سلێمانی بۆ پۆڵەتیك پرێس وتی: بە پێی پێشبینییەكانی بەڕێوبەرایەتی گشتی كەشناسی هەرێم، لە شاری سلێمانی رۆژی یەك شەممە 6ی كانوونی یەكەم، ئاسمان ساماڵ دەبێت و پاشان دەگۆڕێت بۆ نیمچە هەور و ئەگەری نمە باران هەیە، لە شوێنی جیا جیادا.
بەڕێوەبەری كەشناسی سلێمانی وتیشی: بە پێی هاتنی ئەو بارستە هەوا ساردەی بۆ ناوچەكانمان هاتووە، ئەگەری بەفر بارین هەیە، بەتایبەتی لە ناوچە شاخاوییەكاندا،
بەقسەی ئاسۆ كەمال، رۆژی یەكشەممە نزمترین پلەی گەرمای تۆماركراو 5 سەدیدایە و بەرزترین پلەی گەرمای پێشبینیكراویش لەنێوان 15 سەدیدایە.
لەسەرەتای ئەمساڵەوە چەند جارێك شەپۆلی باران بارین رووی لەناوچە جیاوازەكانی هەرێم كردووەو بەوەش رێژەیەكی زۆر باران باریوە.