پۆڵهتیك پرێس:
بەڕێوەبەری گشتی پەروەردەی هەڵەبجە رایگەیاند، ئاگاداری سەرجەم مامۆستایان و فەرمانبەران دەكەنەوە كە رۆژی یەكشەممەوە سەردانی بانكی هەڵەبجە بكە بەمەبەستی دروست كردنی هەژماری بانكی.
سۆران عومەر، بەڕێوەبەرایەتی گشتی پەروەردەی هەڵەبجە به پۆڵەتیك پرێس-ی ڕایگەیاند:” ئاگاداری سەرجەم مامۆستایان و فەرمانبەرانی سنوری بەڕێوەبەرایەتی گشتی دەكەن كە لەڕۆژی یەك شەممەوە 6ـی كانونی یەكەم بەمەبەستی دروست كردنی هەژماری بانكی، دەتوانن سەردانی بانكی هەڵەبجە بكەن”.
وتیشی:”پێویستە مامۆستایان و فەرمانبەران بۆ رایكردنی مامەڵەكانیان ناسنامە یان كارتی نیشتیمانیان پێبێت”.
ئەمەش لە كاتێكدایە، وەزارەتی دارایی حكومەتی هەرێمی كوردستان بڕیاریدا، سەرجەم فەرمانبەرانی هەرێمی كوردستان پێویستە هەژماری بانكی دروستبكەن.