پۆڵەتیك پرێس:
ئەندامانی شانەیەكی نووستووی چەكدارانی داعش لەشاری كەركوك دەستگیركران.
ئەندامانی شانەكە لەلایەن دەزگای هەواڵگری عێراقو بەهەماهەنگی هێزە ئەمنییەكان دەستگیركراون، كە ناوی گروپەكەشیان “دیوان ئەلجوند” بوونو لەناوچە جیاوازەكانی كەركوك چالاكیان هەبووە.
بەپێی سەرچاوەیەكی ئەمنی ئاگادار، ئەو ئەندامانەی داعش لەلایەن دەزگا ئەمنییەكان بەپێی ماددەی چواری تیرۆر داواكراو بوونو دوای دەستگیركردنیشیان دەست بەلێكۆڵینەوە لەكردەوەكانیان كراوە.
هەر بەپێی سەرچاوەكان، ئەو ئەندامانەی دەستگیركراون بریتیبوون لە ئەبو زەید، ئەبو عزەمو ئەبو زیاد و ئەبو ئەحمەد.