پۆڵه‌تیك پرێس:
عه‌بدولهادی سه‌عداوی، ئه‌ندامی لیژنه‌ی دارایی له‌په‌رله‌مانی عێراق ڕایده‌گه‌یه‌نێت، یاسای قه‌رزكردن په‌سه‌ند بكرێت عێراق مایه‌پوچبونی خۆی ڕاده‌گه‌یه‌نێت.
سه‌عداوی له‌میانی لێدوانێكی ڕۆژنامه‌وانیدا ڕایگه‌یاند، “په‌نابردنی حكومه‌تی عێراق بۆ ڕاكێشانی پاره له بانكی ناوه‌ندیی و بانكه عێراقیه‌كان، واده‌كات له‌نیسانی ساڵی داهاتوودا عێراق مایه‌پوچبونی خۆی ڕابگه‌یه‌نێت”.
ئه‌و په‌رله‌مانتاره هۆشداریده‌دات له‌هه‌نگاوه‌كانی عێراق بۆ چاره‌سه‌ری قه‌یرانی دارایی و دۆخه‌كه به زۆر مه‌ترسیدار وه‌سفده‌كات.
به‌هۆی بڵاووبونه‌وه‌ی ڤایرۆسی كۆرۆنا و دابه‌زینی نرخی نه‌وت، عێراق سه‌ختترین ڕۆژه‌كانی خۆی له‌ڕووی ئابوورییه‌وه به‌ڕێده‌كات، كه به‌هۆیه‌وه توانای دابینكردنی موچه‌ی فه‌رمانبه‌رانی لاوازبووه و ئێستا ده‌یه‌وێت له‌ڕێگه‌ی په‌رله‌مانه‌وه قه‌رزبكات بۆ دابینكردنی موچه.
به‌وته‌ی عه‌بدولهادی سه‌عداوی، دابینكردنی موچه كاری په‌رله‌مان نییه، به‌ڵام هۆشداریشده‌دات له‌وه‌ی حكومه‌ت به‌ڕێگه‌ی هه‌ڵه موچه دابینبكات.
قەیوان گروپ
مایۆرکا سیتی جوانییەک لە دڵی سروشتدا
