پۆڵەتیک پرێس
کەسایەتییەکی ئایینی شیعەمەزهەبی نزیک لە ئێران رایگەیاند، بزوتنەوەیەکی نوێی شیعە لەژێر ناوی عەهدوڵا لە عێراق دادەمەزرێت.
ئەمڕۆ چوارشەممە، هاشم حەیدەری بە بۆنەی دامەزراندنی بزوتنەوە نوێکەوە وتی: ئێمە دەبینە رۆڵەی عەهدوڵا و منداڵی خامنەیی و خومەینی لە عێراق.
هاوکات، ئەمینداری گشتی بزوتنەوەکە باسی لەوەکرد، ئێمە ئامادەین شوێنی سیستانی بکەوین و بە ژیانمان قوربانی بۆ بدەین.
لە ئاماژەدان بە دۆخی سیاسی عێراق بزوتنەوەکە جەختی لەوە کردەوە، نایەوێت بەشداری لە هەڵبژاردنەکان بکات و بەشداریش ناکات، دەشڵێت: بەڵام ئێستا گەلەکەمان ئاراستە دەکەین بۆ هەڵبژاردنی کاندید و هاوپەیمانی گونجاو.
ئەوەش لەکاتێکدایە، چەند مانگێک لەبەردەم هەڵبژاردنی پێشوەختەدا ماوە و سەرجەم حزبە سوننی و شیعەکان سەرقاڵی ئامادەکارین بۆ ئەو پڕۆسەیە.