یاسای نوێی هەڵبژاردن گۆڕانکاری سیاسی دروست دەکات

هه‌مواركردنه‌وه‌ی یاسای هه‌ڵبژاردن ترسی لای به‌شێك له‌ هێزو لایه‌نه‌ سیاسییه‌كانی عێراق دروستكردووه‌ به‌وه‌ی به‌پێی ئه‌م یاسایه‌ نه‌توانن له‌ ریزبه‌ندی هێزه‌ سه‌ره‌كییه‌كاندا بمێننه‌وه‌ و له‌بری ئه‌وه‌ هێزی نوێ‌ جێگه‌یان بگرنه‌وه‌، بەڕێوەبەری پەیمانگای کوردی بۆ هەڵبژاردن دەڵێت یاسای نوێی هەڵبژاردن گۆڕانکاری بەدوای خۆیدا دەهێنێت، دەوترێت ئەمە لە بەرژەوەندی حزبە بچوکەکان نییە، بەڵام مانای ئەوەش ‏نییە کە لە بەرژەوەندی حزبە گەورەکانیشدا بێت.

ئارام جه‌مال به‌ڕێوه‌به‌ری په‌یمانگای کوردی بۆ هه‌ڵبژاردن سەبارەت بە سیستمی نوێی هەڵبژاردن بە پۆڵەتیک ‏پرێسی ڕاگەیاند:ئەم سیستمی هەڵبژاردنە تازەیە کە پێی دەگوترێت ‘سیستمی ‏یەکدەنگی نەگوێزراوە’ یان ‘براوەی یەکەمەکان’ کە لە بازنەیەکی ‏هەڵبژاردندا چەند کورسییەک تیایدا دەیبەنەوە، ئەم سیستمە بۆ خۆی ‏سیستمێکە تا ڕادەیەک گۆڕانکاری بەدوای خۆیدا دەهێنێت.

به‌ڕێوه‌به‌ری په‌یمانگای کوردی بۆ هه‌ڵبژاردن وتی: سیستمەکە وەک ‏سیستمی پێشوو نییە، بەڵکو یارییەکە ‏گۆڕانی بەسەردا هاتووە، یان کورسی دەبەیتەوە یان دەیدۆڕێنیت، واتە بە ‏جۆرێک نییە کە دەنگەکان پارچە پارچە لێک بدەیت و لە دواییدا ‏کورسییەکی لێپێکبێت.

ئارام جەمال‏ وتیشی: دەوترێت ئەم یاسایە لە بەرژەوەندی حزبە بچوکەکان نییە، بەڵام مانای ئەوەش ‏نییە لە بەرژەوەندی حزبە گەورەکانیشدا بێت، بەڵکو هەمووان ‏زەرەرمەندن، ئەگەر بەراوردی بکەین بە سیستمی پێشوو، ئەوا سیستمی ‏پێشوو بۆ هەموویان باشبوو، بەڵام سیستمی تازە بە ڕێژەی جیاجیا بۆ ‏حزبەکان باشنییە، لە زۆرەوە بۆ کەم.

‏روونیشیکردەوە، لەم سیستمەدا حزب لە ڕێگەی کاندیدەوە خۆی ‏نمایشدەکات، بە پێچەوانەی سیستمی پێشوو کە کاندید لە ڕێگەی حزبەوە ‏خۆی نمایشدەکرد و دەردەکەوت، بۆیە بە دڵنیایی گۆرانکاری ڕوو دەدات وە ‏گۆڕانکارییەکانیش ڕەنگە ئەگەر مەسەلەی ساختەکاری و هەندێک بابەتی لێ لابەریت ‏دڵنیام لەوەی کاریگەری لەسەر ئەنجامی هەڵبژاردنەکان زۆر دەبێت بە ‏بەراورد بە هەڵبژاردنەکانی پێشوو.

گه‌وره‌ترین بڕگه‌ی ناو یاسای هه‌ڵبژاردن كێشه‌ی له‌سه‌ر بوو یه‌كلایی كردنه‌وه‌ی بازنه‌كانی هه‌ڵبژاردن بوو له‌ چه‌ند رۆژی رابردوو په‌رله‌مانی عێراق ئه‌و پرسه‌ی یه‌كلایی كرده‌وه‌ و رۆژی 29ی تشرینی یه‌كه‌میش كێشه‌ی بازنه‌كانی كه‌ركوك و نه‌ینه‌وا چاره‌سه‌ركرا.

قەیوان گروپ

 


مایۆرکا سیتی جوانییەک لە دڵی سروشتدا