پۆڵەتیك پرێس
وەزارەتی پەروەردەی عێراق بڕیاریداوە لە هەفتەیەكدا دوو ڕۆژ وانە لەناو پۆلەكاندا بخوێنرێت و بەشێك بە پرۆگرامەكانیش بەشێوەی ئۆنلاین دەخوێنرێت.
قوسەی یاسری سەرۆكی لێژنەی پەروەردە لەپەرلەمانی عێراق رایگەیاند، لێژنەكەیان و وەزارەتی پەروەردەی عێراق كۆبوونەتەوەو بڕیاردراوە، بۆ ئەمساڵی خوێندن تەنها دوو ڕۆژ لە هەفتەیەكدا، دەرگای خوێندنگاكان بكرێنەوە.
ئاماژەی بەوەشكرد،پڕۆگرامەكانی خوێندن دەكرێن بە دوو بەشەوە، بەشێكیان لە نێو قوتابخانەكان دەخوێنرێت و بەشەكەی دیكەش بەشێوەی ئۆنڵاین دەوترێنەوە.
دەسەڵاتی دەستپێكردنی پڕۆسەی خوێندنی ئەمساڵ دراوەتە وەزارەتی تەندروستی، كە بەپێی دواین پێشهاتەكان و دۆخی ڤایرۆسی كۆرۆنا، بڕیار لە كاتی دەستپێكردنی خوێندن دەدات.