پۆڵەتیك پرێس
هەردوو وڵاتی ئەڵمانیاو فەڕەنسا بەنیازن رێوشوێنی نوێ لە دژی بڵاوبوونەوەی ڤایرۆسی كۆرۆنا بگرنەبەر، بەجۆرێك لە ئەڵمانیا رێكارەكان لە توندن و چەندین شوێن دادەخرێن.
ئیمانوێل ماكرۆن سەرۆكی فەرەنسا رایگەیاند، سەرانسەری وڵات كەرەنتین دەكرێت و پێدەچێت تاوەكو سەرەتای مانگی دوانزە بەردەوام بێت، بەڵام كەرەنتینەی ئەمجارە وەك پێشوو نابێت، چونكە خوێندنگاكان بەكراوەیی دەمێننەوە، بەڵام چێشتخانە و باڕ و دوكانە ناپێویستەكان دادەخرێن.
لەلایەكی دیكەوەو بەپێی ڕێكەوتنی راوێژكاری ئەڵمانیا ئانگێلا مێركڵ و فەرمانڕەواكانی هەرێمەكان، لە رۆژی چواری مانگی داهاتووەوە رێوشوێنی پێویست دەگیرێتەبەر.
ئەڵمانیا دەیەوێت لە شەپۆلی دووەمی كۆرۆنادا باڕ و چێشتخانە و هۆڵەكانی وەرزش و ڕۆشنبیری دابخات.
لە ماوەی حەوت ڕۆژی ڕابردوودا لە ئەوروپا 220 هەزار توشبووی نوێی كۆرۆنا تۆماركراوە، ئەمەش بەراورد لەگەڵ هەفتەی رابردودا بە ڕێژەی لە سەدا 44 زیادیكردووە.