لە هەولێر چەندین شۆفێر بەهۆی نەبەستنی دەمامكەوە غەرامە كران

پۆڵەتیك پرێس

بەڕێوەبەرایەتی هاتوچۆی هەولێر سزای نەبەستنی دەمامكی خستە بواری جێبەجێكردنەوە و چەندین شۆفێر بەهۆی نەبەستنی دەمامكەوە بڕی 50 هەزار دینار غەرامەكران.

فازڵ حاجی وتەبێژی پۆلیسی هاتوچۆی هەولێر بڵاویكردەوە، لە رۆژی 28 ئەم مانگەوە مەفرەزەكانی هاتوچۆی ناوشار دەستبەكاربوون بۆ جێبەجێكردنی بەیانی ژمارە 25ی ساڵی 2020ی وەزارەتی ناوخۆی تایبەت بەرێنماییە تەندروستییەكان و خۆپارێزی لەڤایرۆسی كۆرۆنا.

ئەوەش دەخاتەڕوو، بەبڕی 50 هەزار دینار سزای ئەو كەسانە دران كەپابەندی بەستنی دەمامك نەبوون و سەرنشینیان لەگەڵ بووە.

تائێستا لە هەرێم زیاتر لە 71 هەزار تووشبوو بە كۆرۆنا تۆماركراوە و زیاتر لە دوو هەزار كەسیش مردوون، هاوكات نزیكەی 50 هەزار تووشبووش بەتەواوی لە ڤایرۆسەكە چاكبوونەتەوە.

قەیوان گروپ

 


مایۆرکا سیتی جوانییەک لە دڵی سروشتدا