پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
فەرماندەیی ناوەندی سوپای ئەمریکا (سێنتکۆم) کوژرانی 5 چەکداری داعشی لە هێرشێکی ئاسمانیی فەرماندەییەکەیانی بۆسەر مۆڵگەکانی ئەو گرووپە لە عێراق راگەیاند.
فەرماندەییەکە لە راگەیەندراوێکدا لە تۆڕی ئێکس رایگەیاند، هێزەکانی عێراق بە پاڵپشتیی هێزەکانی فەرماندەیی ناوەندیی سوپای ئەمەریکا هێرشی ئاسمانییان کردووەتە سەر چەکدارانی داعش لە دەوروبەری راوەی عێراق و پێنج چەکداری داعشییان کوشتووە.
ئەوەش هاتووە، پاش هێرشە ئاسمانییەکە هێزەکانمان چوونەتە شوێنی رووداوەکە و لاشەی چەکدارانی داعش و چەندین جۆری چەک بە قەبارەی جۆراوجۆر، نارنجۆک و تەقەمەنی خۆکوژی و فیشەکیان دۆزیوەتەوە.
راشیگەیاند، ئۆپەراسیۆنەکەی هێزە تایبەتەکانی عێراق بەشێکە لە هەڵمەتە بەردەوامەکان بۆ شکستهێنان بە داعش و تێکدان و لە ناوبردنی تواناکانییان، هەروەها دڵنیابوونەوەیە لە شکستی بەردەوامی داعش.
سێنتکۆم لە درێژەی راگەیەندراوەکەیدا دەڵێت، “داعش هێشتا مەترسییە بۆ سەر ناوچەکە و دەرەوەی ناوچەکەش، لەگەڵ هاوبەش و هاوپەیمانەکانماندا بەردەوام دەبین لە لە ناوبردنی ئەم تیرۆریستانە.”
Iraqi Forces Conduct Airstrike Against ISIS, Enabled by CENTCOM Forces
On Feb. 12, Iraqi Security Forces (ISF), enabled by U.S. Central Command (CENTCOM) forces, conducted an airstrike in the vicinity of Rawa, Iraq, killing five ISIS operatives.
An initial post-strike clearance… pic.twitter.com/CBg21n3Xtm
— U.S. Central Command (@CENTCOM) February 15, 2025
قەیوان گروپ
مایۆرکا سیتی جوانییەک لە دڵی سروشتدا
