پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆکی فەرەنسا رایگەیاند، هێزەکانی سووریای دیموکرات (هەسەدە) هاوپەیمانیی بەنرخ بوون لە جەنگی دژی تیرۆر، راشیگەیاند، “بە وەفاین بەرامبەریان و بەرگریی لە بەرژوەندییەکانیان دەکەین.”
رۆژی هەینی، ئیمانوێل ماکرۆن، سەرۆکی فەرەنسا لەمیانی پێشکەشکردنی وتارێک لە کۆنفرانسی پاریس تایبەت بە کاروباری سووریا کە بەبەشداریی 20 وڵاتی جیهانی، یەکێتی ئەورووپا، کۆمکاری عەرەبی و ئەنجوومەنی هاوکاریی کەنداو بەڕێوەچوو باسی لە دۆخی راگوزەری سووریا کرد پاش رووخانی رژێمی بەشار ئەسەد.
لە بەشێکی قسەکانیدا سەرۆکی فەرەنسا قوربانییەکانی گەلی کوردی لە رۆژئاوای کوردستان بەبیر ئامادەبووان هێنایەوە و وتی، “دەمەوێت لەبارەی ئاسایشەوە دووپاتی بکەمەوە کە ئێمە بەوەفاین بەرامبەر هێزەکانی سووریای دیموکرات کە هاوپەیمانێکی بەنرخی ئێمە بوون لە جەنگی دژی تیرۆر، وەفادارین بەرامبەر بە هاوپەیمانەکانمان و قەرزداریانین. هەسەدە ئازایانە شانبەشانی هاوپەیمانیی نێودەوڵەتیی جەنگان و قوربانییان دا، ئێستاش کاتی ئەوەیە نەک پشتیان تێبکەین، بەڵکو دەبێت بەرگریی لە بەرژوەندییەکانیشیان بکەین.”
کۆنفرانسی پاریس رۆژی 13ی شوبات دەستی بە کارەکانی کرد و وەزیرانی دەرەوە و بەرپرسانی دیکەی وڵاتانی تێیدا بەشدارن. مەبەست لە کۆنفرانسەکە هەماهەنگی و یەکخستنی هەوڵەکانی ئەو دەوڵەتانەیە بۆ پشتیوانیکردن لە قۆناغی گواستنەوەی ئاشتیانەی دەسەڵات لە سووریا لە کاتێکدا حکومەتی نوێ لە دیمەشق جەخت لەسەر خواستی خۆی دەکاتەوە بۆ باشترکردنی پەیوەندییەکانی لەگەڵ رۆژئاوا.
قەیوان گروپ
مایۆرکا سیتی جوانییەک لە دڵی سروشتدا
